Шардарбеков Сәкен Өтелбайұлы 1970 жылы 16 қаңтарда Оңтүстік Қазақстан облысы, Созақ ауданы, Абай елді мекенінде дүниеге келген. 1987 жылы аудан орталығындағы Ә.Молдағұлова атындағы орта мектепті бітірген. 1993 жылы Шымкент қаласындағы Қазақ-Түрік Университетінің «Жалпы техникалық пәндер және еңбек» мамандығы бойынша бітірген.
Ең алғаш педагогикалық еңбек жолын 1999 жылы, аудандағы А.Иманов мектебінде еңбек пәнінен дәріс беруден бастаған. 2000 жылдан бастап сол аталған мектепте «Алғашқы әскери дайындық» пәнінен сабақ берді. Осы салада жұмыс атқарған кезде қоғамдық жұмыстарға белсене араласып, көптеген жетістіктерге жетіп марапатталған.
2007-2008 жылдар аралығында Иманов мектебінде директордың тәрбие ісі жөніндегі орынбасары қызметін, 2008-2016 жылдар аралығында директордың оқу ісі жөніндегі қызметін атқарған. 2016-2023 жылдар аралығында, Иманов атындағы жалпы білім беретін мектеп директоры қызметін атқарған. 2023 жылдың қараша айынан бастап аудан орталығындағы Ә.Молдағұлова атындағы жалпы білім беретін мектеп директоры қызметін атқарады.
Шардарбеков Сакен Өтелбайұлы өз ісінің білгір маманы. Өз қызметін абыроймен атқарып келеді. Бүгінгі күнде отбасылы, жары, екі ұлдар мен келіні және немере тәрбиесінде.